A ESMORGA ESTRÉASE NOS CINES DE GALICIA

Crónica tensa e intensa de vinte e catro horas na vida de tres homes, compañeiros de esmorga que, deixando un regueiro de destrución, de sexo equívoco e reprimido, van fechando portas tras si e guindando coas chaves, como para non querer volver, tal coma se adrede camiñaran á súa perdición... Esta é a trama da famosa novela de Blanco Amor, A Esmorga. Estréase e toda Galicia o vindeiro día 21 o filme dirixido por Ignacio Vilar que conta nos papeis principais cos actores Karra Elejalde, Miguel de Lira e Antonio Durán "Morris".